Aquí tamén se fala en Nós Televisión

 Reportaxe de Nós televisión sobre Aquí tamén se fala!

Como ensinamos a Xeografía e a Historia

O Departamento de Xeografía e Historia do IES Rafael Dieste presenta o vídeo “Unha viaxe pola historia”.

Este traballo, xa presentado nas xornadas de portas abertas do pasado mes de marzo, recompila algúns dos proxectos levados a cabo nos últimos cursos.

Desde proxectos interdisciplinares a proxectos de aula nos que o alumnado é o protagonista da súa aprendizaxe. Apostamos por unha metodoloxía activa, integradora e inclusiva e por un ambiente de convivencia positiva na aula.

Desfrutade do vídeo, unha viaxe pola historia.

"EN IMITANT PRÉVERT", VIDEO POEMAS EN FRANCÉS

Presentamos tres videos elaborados por alumnado de 1ºBAC de Francés nunha actividade chamada ""EN IMITANT PRÉVERT" ("Imitando a Prevert") consistente en facer video poemas.

LES RÈGLES Á RESPECTER AU LYCÉE "RAFAEL DIESTE"

O alumnado de francés de 4ºESO, coa profesora Montse Orjales, elaboraron este video coas regras a respetar no noso instituto.

AQUÍ TAMÉN SE FALA! +

 Moi boa tarde compañeiras, 

despois da excelente acollida que tivemos coas accións do curso pasado, no IES Rafael Dieste lanzamos unha nova campaña de Dinamización que se estenderá por diversos centros da faixa atlántica, mais a participación fica aberta para quen se quixer sumar! 

Traemos 4 cousas novas (de momento) para este ano: 

1) Estreamos unha web propia na que iremos anunciando novidades e ampliando seccións

2) Sumamos a forza dos IES de Mos, IES da Illa de Arousa, IES de Coruxo, IES Luís Seoane e CIFP Universidade Laboral na colaboración co IES Rafael Dieste.

3) Creamos a sección #aquítaménseCANTA que inauguramos con Lucía Aldao! Serán pequenos concertos acústicos cos que entramos no mundo da gravación para espallar cultura galega nas redes, como podedes ver no video mais abaixo.

4) Alén da web estamos en youtube, tiktok e instagram @aquitaménsefala.  

E non é todo. Porque en moi pouco tempo sairán aínda novas colaboracións con institucións e empresas que irán anunciando nas redes, a carón dunha sección de entrevistas e outra con breves vídeos realizados por referentes culturais e deportivos animando a usar a lingua galega.

 

Finalmente, un convite á participación co que animan a calquera centro que desexe participar no proxecto contactando previamente co instituto coruñés en calquera das redes sociais de @aquítaménsefala.

Agradécese se o podedes compartir e seguir!

Moito obrigado, 

Alberto Pombo

Aquí tamén se fala! 

https://aquitamensefala.com/

Video sesión 1 con Lucía Aldao. Lucía Aldao, do proxecto poético-musical AldaoLado, chega ao IES Rafael Dieste para inaugurar unha nova sección que desenvolvemos desde o colectivo #AquíTaménSeFala para a promoción da música galega. Gravación ao vivo realizada no 28 de novembro de 2023 no auditorio do IES Rafael Dieste (A Coruña) por Oli Rivas, Raúl Martínez, Darío Oliva, Noa Tajes, Martín Pastor, Gonzalo Cedeño e Román Rojo (membros do Equipo de Dinamización da Lingua Galega).

RETORNO AO MEDIEVO NA BIBLIOTECA DO "RAFAEL DIESTE" + VIDEO TELEXORNAL MEDIEVAL

Estes días celebráronse unhas xoranadas medievais desfrutando dos xogos que fixo o alumnado de Xeografía e Historia de 2ºESO coa profesora da asignatura Isabel González. Previamente, o alumnado deste nivel realizara unha excursión ata o Castelo de Moeche. Para repasar o estudiado nas aulas, este mesmo alumnado elaborou xogos medievais. Son reinterpretacións de xogos de mesa de toda a vida pero en versión medieval. Xogamos na biblioteca, con algo de ambientación.

Nas última fotos superiores a profesora Isabel González e profesores do equipo de biblioteca  (Beatriz Cuetsa, Ramón Barreiro e Arcadio González) caracterizados para a ocasión.

Tamén engadimos o telexornal do medievo elaborado polo alumnado de 2ºESO:    

AS CAMPAÑAS DE PROMOCIÓN DO GALEGO DO "RAFAEL DIESTE" NA PRENSA LOCAL E NOS MEDIOS

A actividade apareceu na prensa local: "LA OPINIÓN DE A CORUÑA" (6/6/23)

E tamén en "LA VOZ DE GALICIA":

Na campaña #aquítaménsefala toca ir facendo agradecementos... 

Hoxe volveunos visitar un xornalista de "La Voz de Galicia" para entrevistar a catro rapazas envolvidas no proxecto e que falaron en nome dos seus compañeiros e compañeiras: Juliana, Sofía, Carmen e Carla (foto superior e video da entrevista ao final desta entrada).

Esta visita que nos fixo hoxe Jorge Noya, súmase entón ás de:

- Laura Mateo (Quincemil - El Español),

- Ubaldo Cerqueiro (Xornal da Coruña),

- Kiko Novoa, Silvia Pereira e Yolanda López (Radio Galega),

- Gema Malvido e Víctor Echave (La Opinión de A Coruña), 

- Olga Suárez (La Voz de Galicia), 

- Luis Manuel Iglesias (Cadena SER),

- Bernardo Penabade (Proxecto Neo / Radio Burela / Radio Piratona / Cuac FM),

- Senlheire (Galicia Livre)

e as persoas que o recolleron noutros espazos: Observatorio da Lingua Galega, Consello da Cultura Galega, etc...

A todos e todas, obrigado pola acollida e esta difusión nos medios.

E o momento tamén de recoñecer o esforzo da rapazada, e o enorme traballo de dinamización que desesnvolveron cada un e cada unha deles. Porque levaron adiante a maior campaña de dinamización da lingua feita por rapaces. A maior feita polos propios veciños e veciñas dos barrios. E poden ter orgullo por teren realizado unha acción tan nobre! (Mais de 500 establecementos participan).

Xa ninguén poderá cuestionalo: AQUÍ TAMÉN SE FALA GALEGO!

Video:

XIII SEMANA CULTURAL: MÁIS ACTIVIDADES SOBRE AS CIDADES

 1) Ruta de "SALTO NO TEMPO"

2) Caixas: "DE QUE ESTÁN FEITAS AS CIDADES?"

3) PUZZLES DE CIDADES

4) MINIVIDEOS:

Ligazón: os videos feitos nesta actividade "O SALTO NO TEMPO"

5) Varias exposicións preparadas polas distintas asignaturas: Ciencias, historia, libros na biblioteca, lingua e literatura, grego...

As cidades e a literatura:

6) Ligazón: DEPARTAMENTO DE MÚSICA: PRESENTACIÓN MÚSICA RETRO

7) FANZINE DE ATENAS:

8) INFOGRAFÍAS DE CIDADES

A NOSA RADIO E BIBLIOTECA AO SERVICIO DA DIVULGACIÓN HISTÓRICA

A profesora do Departamento de Historia, Isabel González realizou ao longo do primeiro trimestre unha serie de actividades utilizando os recursos que ofrece a biblioteca do centro: 

- na Radio, a alumnado locutou e editou; 

- na Biblioteca, a rapazada elaborou unha exposición sobre Tutamkamon. 

Como resultado da exposición "Cen anos con Tutankamon", fixeron un breve vídeo do que en conxunto, foi esta actividade:

E para poder escoitar unha selección dos traballos na radio, pódedes acceder nesta ligazón ao blog da Biblioteca ArquivosDoTrasno.

NICOLÁS LOZANO LÓPEZ, MENCIÓN ESPECIAL NO V CONCURSO DE COMUNICACIÓN CIENTÍFICA DO IGFAE

 O xurado da quinta edición do Concurso de Comunicación Científica do Instituto Galego de Física de Altas Enerxías acaba de facer público o ditame cos traballos gañadores de entre as 33 obras recibidas.

Na categoría de videos divulgativos, un alumno do noso instituto NICOLÁS LOZANO LÓPEZ (2ºBAC-A) ven de recibir unha menicón especial polo video "O DESCUBRIMENTO DO SAGITARIO A*E O M87" que incluímos a continuación.

+info: V PREMIOS COMUNICACIÓN CIENTIFICA IGFAE

Video "O DESCUBRIMENTO DO SAGITARIO A*E O M87" por Nicolás Lozano López:

GRADUACIÓN PROMOCIÓN "RAFAEL DIESTE" 2022

O alumnado de 2ºBAC do "RAFAEL DIESTE" celebraron o pasado venres 10 de xuño o seu acto de graduación. Nunhas datas algo mais retrasadas do habitual, xa que ese ano esperaron a terse presentado ás probas da ABAU. Pero xa relaxados, este curso poidéronse reunir de novo o alumnado, o profesorado e as familias para festexar o momento.

Parabéns e moita sorte para tod@s eles no seu futuro!

Actualizamos con máis fotos e o video do acto:

Os presentadores: Lucía Orrico e Alfredo Arcos

O discurso do director Mateo Torres:

Os discursos do alumnado: Lorena Enríquez, Daniel Mora e Ian González:

O discurso do profesor: Carlos Blanco:

A actuación de Adrián Tinaquero á batería:

O video do acto:

 

VIDEOS DO "HOMECOMING"

 

Como xa prometimos, mostrámosvos algúns dos videos dos talentos presentados a pasada semana durante a actividade de "Homecoming".

Son unha mostra dos gravados en horizontal, pode ser que actualicemos con algún video mais.

VIDEOS MUSE 2022: "1224"

Aquí tedes as ligazóns aos videos feitos durante as actividades de MUSE neste curso 2021-22.

- VIDEOS MUSE 2022 (1)

- VIDEOS MUSE 2022 (2)

Ademaís do video principal MUSE 2022:

"1224"

 

ALUMNADO DO "RAFAEL DIESTE" PREMIADOS NA EDICIÓN 21/22 DA ConSat

Naiara Manteiga Cendón (2º BAC B), Jacobo Castro Costoya (2º BAC A) e o profesor de Matemáticas, José Francisco Balsa, asistiron o xoves 28 de maio ao aeródromo de Rozas (Lugo). Alí participaron no lanzamento de satélites, defenderon o traballo que  presentaron nesta edición rexional ConSat 21/22 e gañaron o accesit “Competencias profesionais”.

Noraboa!

Maís info nesta LIGAZÓN.

Video entrevista con Naiara e Jacobo:

XORNADAS PORTAS ABERTAS 2022: UNHA VISITA VIRTUAL AO IES PLURILINGÜE "RAFAEL DIESTE"

 

Este curso ao non ser posible facer as xornadas de portas abertas presencialmente, propoñémosvos una visita virtual ao noso centro. Neste video podedes ver as nosas instalacións e a todas as actividades que desenvolvemos.

GRADUACIÓN PROMOCIÓN "RAFAEL DIESTE" 2021

ACTUALIZACIÓN: CON VIDEOS E LIGAZÓN ÁS FOTOS

 

Este curso, finalmente, poidemos retomar de novo a ceremonia de graduación da promoción de alumnado de 2ºBAC. Ainda con restriccións, poidéronse reunir alumnado e profesorado para o acto que se celebrou no salón de actos da Escola Oficial de Idiomas de A Coruña, veciños do noso centro. Pódese ver o acto a través da plataforma TWITCH.

Parabéns e os mellores desexos para todo o alumnado da promoción "Rafael Dieste 2021"!

Pódese acceder ás fotos do acto nesta LIGAZÓN: FOTOS.

Videos: