A VII edición dos Premios Isabel Zendal, organizados pola UDC en colaboración con Círculo Escéptico, e coa Fundación Española para la Ciencia y Tecnología (FECYT) do Ministerio de Ciencia, Innovación y Universidades; estableceron dúas categorías: A, dirixida ao alumnado de 1º a 3º da ESO e FP básica, e a B para o alumnado de 4º de ESO a 2º de bacharelato e dos ciclos formativos de grao medio.
Sofía Carou Barreiro, alumna de 4º de ESO titorizada pola nosa profesora ad honorem Mercedes Garrote, acadou o terceiro premio na súa categoría.
O acto, ademais da entrega de premios, contou coa conferencia “Realidades de formigón, imaxinarios de papel: mitos na construción”, a cargo da investigadora e divulgadora Gemma Rojo, doutora en enxeñería civil adscrita ao Centro de Innovación Tecnolóxica en Edificación e Enxeñaría Civil (CITEEC) da UDC.
Ningún comentario:
Publicar un comentario