Entrevista a Juliamny e Jusvely, alumnas de 2º de bacharelato

Juliamny e Jusvely, alumnas de 2º de bacharelato do IES Rafael Dieste, contan nunha entrevista na Voz de Galicia a súa experiencia coa Lingua Galega e coa campaña Aquí tamén se fala!

• Entrevista completa
• Aquí tamen se fala!

Entrevista en RadioVoz a alumnado de 1º ESO C

O pasado mércores 12 de xuño, mentres realizaban a clase de Educación Física na praia de Riazor, o alumnado de 1º ESO C foi entrevistado no programa Voces de A Coruña de RadioVoz.

ENTREVISTA RADIOFÓNICA ÁS NOSAS GAÑADORAS DO PREMIO "ISABEL ZENDAL"

O pasado xoves 6 de xullo, entrevistaron en Radio InterCoruña ás alumnas do noso centro gañadoras do premio "ISABEL ZENDAL":

NEREA CERVERA RIVERA (3ºA),

SOFÍA CAROU BARREIRO (2ºA) e

VALERIA RODRÍGUEZ RAMOS (2ºA)

e á nosa profesora de lingua castelá MERCEDES GARROTE .

Hoxe recibimos as fotos e o audio da entrevista, que tedes abaixo.

Podedes escoitar o audio da entrevista:

AS CAMPAÑAS DE PROMOCIÓN DO GALEGO DO "RAFAEL DIESTE" NA PRENSA LOCAL E NOS MEDIOS

A actividade apareceu na prensa local: "LA OPINIÓN DE A CORUÑA" (6/6/23)

E tamén en "LA VOZ DE GALICIA":

Na campaña #aquítaménsefala toca ir facendo agradecementos... 

Hoxe volveunos visitar un xornalista de "La Voz de Galicia" para entrevistar a catro rapazas envolvidas no proxecto e que falaron en nome dos seus compañeiros e compañeiras: Juliana, Sofía, Carmen e Carla (foto superior e video da entrevista ao final desta entrada).

Esta visita que nos fixo hoxe Jorge Noya, súmase entón ás de:

- Laura Mateo (Quincemil - El Español),

- Ubaldo Cerqueiro (Xornal da Coruña),

- Kiko Novoa, Silvia Pereira e Yolanda López (Radio Galega),

- Gema Malvido e Víctor Echave (La Opinión de A Coruña), 

- Olga Suárez (La Voz de Galicia), 

- Luis Manuel Iglesias (Cadena SER),

- Bernardo Penabade (Proxecto Neo / Radio Burela / Radio Piratona / Cuac FM),

- Senlheire (Galicia Livre)

e as persoas que o recolleron noutros espazos: Observatorio da Lingua Galega, Consello da Cultura Galega, etc...

A todos e todas, obrigado pola acollida e esta difusión nos medios.

E o momento tamén de recoñecer o esforzo da rapazada, e o enorme traballo de dinamización que desesnvolveron cada un e cada unha deles. Porque levaron adiante a maior campaña de dinamización da lingua feita por rapaces. A maior feita polos propios veciños e veciñas dos barrios. E poden ter orgullo por teren realizado unha acción tan nobre! (Mais de 500 establecementos participan).

Xa ninguén poderá cuestionalo: AQUÍ TAMÉN SE FALA GALEGO!

Video:

CONFERENCIA E ENTREVISTA EN RADIOFIESTRA POLO DÍA MUNDIAL DE LOITA CONTRA A SIDA

 

Tras a celebración, o 1 de decembro, do Día Mundial da Loita contra a SIDA, recibimos a Rubén e André, do Comité Antisida da Coruña (CASCO), para falarnos de prevención para evitar a infección por VIH. Ademais, tiveron a amabilidade de responder ás preguntas de Yacine, Andrés, Yanira e Juan Andrés (4ºC) nun novo programa de Radio Fiestra, que podedes escoitar neste enlace: ENTREVISTA CASCO

Mais información na súa web: cascocoruna.com

ALUMNADO DO "RAFAEL DIESTE" PREMIADOS NA EDICIÓN 21/22 DA ConSat

Naiara Manteiga Cendón (2º BAC B), Jacobo Castro Costoya (2º BAC A) e o profesor de Matemáticas, José Francisco Balsa, asistiron o xoves 28 de maio ao aeródromo de Rozas (Lugo). Alí participaron no lanzamento de satélites, defenderon o traballo que  presentaron nesta edición rexional ConSat 21/22 e gañaron o accesit “Competencias profesionais”.

Noraboa!

Maís info nesta LIGAZÓN.

Video entrevista con Naiara e Jacobo:

ALUMNADO DO 'RAFAEL DIESTE' PREGUNTAN Á ASTROFÍSICA JOCELYN BELL

Alumnado do noso centro coordinados pola profesora Marisa Castiñeira tiveron a oportunidade, xunto a outros doutros institutos,  de facer preguntas á astrofísica norirlandesa Jocelyn Bell. Unha actividade organizada pola Agrupación Astronómica Coruñesa en colaboración cos Museos Científicos Coruñeses e conducida pola profesora de astrofísica da Universidade de Vigo, Ana Ulla. Neste video podedes ver a entrevista completa.

- Ligazón #PreguntasParaJocelyn @ Blog Laboratorio de Ciencias (Marisa Castiñeira)

Video:

INAUGURACIÓN DE "RADIOFIESTRA" COA ENTREVISTA A PILAR PALLARÉS

O pasado xoves inauguramos as emisións de "RADIOFIESTRA" cunha convidada moi especial. Aproveitando o acto de homenaxe á Pilar Pallarés, Premio Nacional de Poesía 2019, no noso instituto fixémoslle unha entrevista na nosa nova emisora.

- ENTREVISTA A PILAR PALLARÉS EN "RADIOFIESTRA"

A partir de agora, poderes acceder aos programas de "RadioFiestra" na ligazón que teremos no Blogue da Biblioteca "ArquivosDoTrasno" picando neste icono na columna dereita  :

Versión da entrada @ ArquivosDoTrasno