O 'RAFAEL DIESTE' NA SEMUA IV: SEMANA DAS MÚSICAS DO AUDIOVISUAL

O Departamento de Música volveu a participar na IV Semana das Músicas do Audiovisual,  un festival organizado pola Academia Galega do Audiovisual co apoio do Concello da Coruña, a Orquesta Sinfónica de Galicia e a Banda Municipal de Música da Coruña que dá protagonismo ás músicas para cine, televisión e outros medios audiovisuais.

Cos alumnado de Música de 3º ESO estivemos o luns 28 de outubro no Teatro Colón no concerto ofrecido pola Banda Municipal de Música da Coruña, dirixida por David Fiuza,  no que interpretaron músicas de bandas sonoras de obras audiovisuais españolas. Escoitamos músicas compostas por Carmelo Bernaola (as sintonías de Verano Azul e La Clave e das películas Espérame en el cielo, Tormento e Pasodoble), Capitán Trueno (Luis Ivars), así como as músicas de dúas cortametraxes do director Hugo de la Riva (El abducido-Una comedia humana e Blondi, el perro de Hitler) e o tema principal de Bienvenido, Mister Marshall.

A X SEMANA CULTURAL DO 'RAFAEL DIESTE' NA PRENSA LOCAL

A X Semana Cultural 'O CINE' do 'Rafael Dieste' tivo repercusión na nosa prensa local. O xornal "La Opinión" do pasado venres 3 de maio publicou un artigo sobre o tema como podedes ver nas fotos. Na seguinte ligazón toda a información completa sobre a X Semana Cultural: O CINE.

X SEMANA CULTURAL: "EL VERDUGO" DE BERLANGA HOXE NO ÁGORA

 

A proxección da película "El verdugo", de Luis García Berlanga no Centro Ágora o martes 30 ás 16.15h da tarde. Organizamos esta proxección en colaboración co CGAI, que é quen proporciona a película e o Concello de A Coruña cede o auditorio do Ágora. Asiste o alumnado do centro de 3º e 4º ESO, e 1º e 2º de Bacharelato. Invitamos a que nos acompañen nais, pais, avoas e avós... Entregaremos unha folla de sala con información da película preparada polo alumnado, e farán tamén unha breve presentación antes da proxección. O aforo do Ágora é de máis de 500 asentos, e a entrada é libre ata completalo. A película dura aproximadamente 1h 30',  contamos con terminar a actividade en torno ás 18.15 h. Citamos ao alumnado no Ágora ás 16:15h para empezar a proxección ás 16:30h.

X SEMANA CULTURAL: PROGRAMA DE ACTIVIDADES

 O Programa definitivo das actividades previstas na semana cultural está aquí:

X SEMANA CULTURAL DO 'RAFAEL DIESTE': O CINE

A vindeira semana o IES Plurilingüe 'RAFAEL DIESTE' vai celebrar a súa X Semana Cultural, este curso adicado ao CINE. Exposicións de traballos do alumnado, proxeccións de películas, concursos e moitas outras actividades se levarán a cabo durante toda a semana. 
Tamén haberá un concurso sobre películas de terror "VAICHE UNHA DE MEDO?" na que pode participar todo o alumnado do centro.

Podedes seguir toda a información detalladamente no blogue da Biblioteca do centro que organiza e coordina toda a actividade, nesta ligazón: 'XSC-O CINE'

CONCERTOS DA III SEMANA DAS MÚSICA DO AUDIOVISUAL (SEMUA)

Como unhas primeiras actividades preparatorias da nosa Semana Cultural 2019 adicada ao Cine, o alumnado de música de 2º da ESO participan hoxe e mañá na III Semana das Músicas do Audiovisual (SEMUA) que se celebra no Teatro Colón.

O concerto da Banda Municipal de A Coruña, presenta dúas cortometraxes "O XIGANTE" e "VILLA PELUSA" con música de Nani García e Marcos Mato e dúas suites con música de Charles Chaplin e de "O PANTASMA DA ÓPERA" de Andrew Lloyd Webber, que se interpretan acompañadas de imaxes das películas.
A presentación foi a cargo de Nani García, quen falou da importancia da relación de música e a imaxe.