Desexamos a toda a comunidade escolar do IES "RAFAEL DIESTE":

UNHAS BOAS FESTAS E PRÓSPERO ANO NOVO!

FESTA DE NADAL 2022

Algunhas fotos das actividades de Nadal que levamos a cabo no último día lectivo de ano: decoracións das portas e as aulas de cada grupo, vestimentas e a representación dun conto de nadal que organizou a profesora de inglés Marta Rey Álvarez con alumnado dos seus grupos de 3ºESO.

 

PRÁCTICAS DE PING PONG CO XOGADOR-SELECCIONADOR MANUEL CASAS

 

Estas dúas últimas semanas o alumnado de 2° e 3° ESO tiveron a sorte de contar con Manuel Casas, xogador de Ping Pong e seleccionador para as Olimpiadas de Barcelona' 92, Atlanta '96 e Sidney 2000. Contounos a súa experiencia con este deporte, ao que estivo vinculado desde os 13 anos, e algúnos trucos para poñer en práctica nos torneos dos recreos. 

#departamentoeducaciónfísica #proxectodeportivodecentro

ABERTO PRAZO PARA PRESENTAR OFERTAS AO CONTRATO DE CONCESIÓN DO SERVIZO DE CAFETERÍA DO NOSO CENTRO

 

Aberto prazo para presentar ofertas ao contrato de concesión do servizo da cafetería do centro´.

Infórmase á comunidade educativa de que o prazo para presentar ofertas ao contrato de concesión do servizo da cafetería do IES Plurilingüe Rafael Dieste comezou no día de hoxe e remata o 17 de xaneiro de 2023 ás 14.00 horas. Para mais información poden acceder a plataforma de contratos de Galicia. O lote correspondente á cafetería do centro é o número 2. Para mais información poden acceder a plataforma de contratos de Galicia nesta ligazón: contratosdegalicia.gal/licitacion

CALENDARIO DE EXAMES PARA ALUMNADO CON ASIGNATURAS PENDENTES - XANEIRO 2023

 

CONFERENCIA E ENTREVISTA EN RADIOFIESTRA POLO DÍA MUNDIAL DE LOITA CONTRA A SIDA

 

Tras a celebración, o 1 de decembro, do Día Mundial da Loita contra a SIDA, recibimos a Rubén e André, do Comité Antisida da Coruña (CASCO), para falarnos de prevención para evitar a infección por VIH. Ademais, tiveron a amabilidade de responder ás preguntas de Yacine, Andrés, Yanira e Juan Andrés (4ºC) nun novo programa de Radio Fiestra, que podedes escoitar neste enlace: ENTREVISTA CASCO

Mais información na súa web: cascocoruna.com

O POETA JUAN BESADA FALA DO SEU NOVO LIBRO EN RADIOFIESTRA

 "Teito de ferro" e o título da última novela de Juan Besada e tivemos o privilexio de que falara dela na nosa radio. Unha conversa relaxada e moi interesante con alumnado de 2º de bacharelato serviu para afondarnos nas súas lembranzas da man de Sinde, unha das protagonistas. Esta muller fala co seu neto de seu pasado: o levantamento nacional en Santiago, as horas de traballo e de inquedanza. Juan Besada acércanos ao seu xeito de falar de nós e de quen somos.

A ESCRITORA ANTÍA YÁÑEZ DE VISITA NO NOSO INSTITUTO

A escritora Antía Yáñez visitounos o pasado xoves 1 de decembro. A autora de "O Misterio de Portomarín", falou co alumnado de 1ª da ESO no Salón de Actos do instituto. 

Tivo un momentiño para pasar pola biblioteca onde temos varios exemplares da súa obra asignados por ela.

 

I TORNEO DE TENIS DE MESA "RAFAEL DIESTE" 3º E 4º ESO

 Despois do éxito do torneo para 1º e 2º ESO, a semana que ven comenza o de 3º e 4º ESO. O horario dos partidos atópase na cortiza, ao carón da porta do ximnasio.  Disfrutádeo!

25-N 2022: MINUTO DE SILENCIO CONTRA A VIOLENCIA DE XÉNERO

Un ano maís, chegado o 25 de novembro, tod@s no instituto paramos e fixemos un minuto de silencio en apoio e visibilización de que estamos en contra de violencia de xénero e de respeto a todas as víctimas desta lacra social.

25-N: A ESCALEIRA CÍCLICA DA VIOLENCIA DE XÉNERO NA ADOLESCENCIA

A nosa escaleira

Nun novo 25-N, Día Internacional para a Eliminación da Violencia conta a Muller, traemos o video que explica a escaleira cíclica da violencia de xénero.

Video: 

NICOLÁS LOZANO LÓPEZ, MENCIÓN ESPECIAL NO V CONCURSO DE COMUNICACIÓN CIENTÍFICA DO IGFAE

 O xurado da quinta edición do Concurso de Comunicación Científica do Instituto Galego de Física de Altas Enerxías acaba de facer público o ditame cos traballos gañadores de entre as 33 obras recibidas.

Na categoría de videos divulgativos, un alumno do noso instituto NICOLÁS LOZANO LÓPEZ (2ºBAC-A) ven de recibir unha menicón especial polo video "O DESCUBRIMENTO DO SAGITARIO A*E O M87" que incluímos a continuación.

+info: V PREMIOS COMUNICACIÓN CIENTIFICA IGFAE

Video "O DESCUBRIMENTO DO SAGITARIO A*E O M87" por Nicolás Lozano López:

ELECCIÓNS AO CONSELLO ESCOLAR 2022: CIRCULAR INFORMATIVA E PRESENTACIÓN DE CANDIDATURAS DE NAIS/PAIS

 Nas seguintes ligazóns que aquí se inclúen mais abaixo tedes información relativa sobre as Eleccións para a renovación do Consello Escolar do noso instituto que se realizará o vindeiro

MARTES 29 DE NOVEMBRO DE 16:30 A 18:30 

NO INSTITUTO

- CIRCULAR INFORMATIVA SOBRE QUEN E COMO VOTAR.

- RELACIÓN DEFINITIVA DE PRESENTACIÓN DE CANDIDATURAS NO SECTOR DE PAIS E NAIS DE ALUMNADO.

NOVO TABOLEIRO DE NOVAS LGTBIQ+ DE "DiverXentes"

 

Nesta semana, inauguramos o taboleiro de novas relacionadas co colectivo LGTBIQ+; está xestionado por DiverXentes, o grupo de apoio afectivo-sexual do noso centro, que se reúne todos os xoves no primeiro recreo no Espazo Seguro DiverXentes, no terceiro andar do edificio (a carón da aula de Plástica).

PARA CONMEMORAR O 25-N

 O vindeiro día 25 de noviembre celébrase o Día Internacional da Eliminación da Violencia contra a Muller. A Delegación do Goberno de España en Galicia, con tal motivo, organiza unha serie de actividades encamiñadas a sensibilizar á cidadanía ante esta lacra social e a recoñocer o trabajo das persoas que poñen en valor o papel da muller na nosa sociedade e loitan contra a violencia machista.

A iniciativa consiste en animar aos mozos e mozas, a partir de 13 anos, a realizar unha acción na rede social TikTok sobre o respeto e a igualdade, ben unha canción, un baile, unha representación gráfica… e compartila. Para animalos contaremos coa colaboración da tiktoker @Ireniusx, que o vindeiro día 20 colgará un vídeo no seu canal explicando a iniciativa e invitándoos a participar. 

O IES "RAFAEL DIESTE" PROTAGONISTA NAS XORNADAS DE BIBLIOTECAS ESCOLARES 2022 EN SANTIAGO

Este sábado 12 de novembro vimos de participar nas Xornada de Bibliotecas Escolares de Galicia 2022, no Pazo de Congresos e Exposicións de Galicia, en Santiago de Compostela. O noso centro foi invitado a participar na mesa redonda sobre "Novas Linguaxes na Biblioteca". En ausencia de Arcadio Novoa, coordinador da radio neste curso e responsable, xunto co alumnado participante,  do programa de radio "A heroica vida de Florencio Delgado", Carlos Lens, coordinador da radio o curso pasado, encargouse de contar a experiencia, tanto da radio en xeral como da elaboración do podcast gañador do premio do día da letras galegas.

OS CLUBES DE ENCONTROS DE "BIBLIODIESTE"

 Na Biblioteca organizamos unha actividade nova: os Clubes de Encontros. Estes clubes están abertos tanto ao profesorado como ao alumnado, e pódese tomar parte como coordinadores ou como participantes.

A xente que coordina e organiza o club arredor dun tema que lle interese, fai a súa proposta apuntándose no cartel que está na cortiza á dereita da porta da Biblioteca. A temática é libre, o que lle interese a cadaquén.

Xa temos clubes de español, wolof, circuítos eléctricos e linguaxe de signos, coordinados por alumnado, profesorado e mais por Cristina Rubio, a nosa interprete. 

Unha vez organizados, cada club reunirase durante un recreo un día á semana (poden ser máis) na biblioteca e terá a duración que decidan as persoas que o integran.

Se vos interesa, apuntádevos.

I TORNEO DE TENIS DE MESA "RAFAEL DIESTE" 1º E 2ºESO

 Entramos na recta final do I Torneo de tenis de mesa organizado polo Departamento de Educación Física para os cursos 1º e 2º ESO. Agradecer o gran entusiamo e deportividade que está demostrando todo o alumnado.

ACTIVIDADE MEDIOAMBIENTAL "EDUCATION FOR THE PLANET" EN COLABORACIÓN CON AXUDA EN ACCIÓN

 

Alumnado de 4ºESO participaron na actividade medioambiental de recollida de residuos de bosques e praias dentro do programa "Education 4 the Planet" patrocindao por Axuda en Acción.

SAMAIN 2022 NO "RAFAEL DIESTE"

 Como todos os anos, chegou o Samaín, e no "Rafael Dieste" celebrámolo decorando o noso patio central e con actividades organizadas por la Biblioteca, como foron os "Contos de Medo". Como podedes ver...

 Alba, Paula, Angélica, Roque e Lía, xente de 1º Bacharelato, aficionados a facer teatro sen escenario, adapaton un conto de medo para a rapazada de 2º ESO: bruxa, oso, persecucións entre cabazas e morcegos.

Durante varios recreos, voluntarios de 2º da ESO léronnos contos elaborados por rapaces e rapazas. A luz dos candís e as voces misteriosas puxeron o punto de espanto á actividade.

Moitas grazas a todo o mundo.