Proxecto ADN Especies Vulnerables

O Consello da Cultura Galega, en colaboración co CIMUS, está a desenvolver unha iniciativa destinada a que o alumnado de educación secundaria comprenda e valore a importancia da biodiversidade na conservación dos nosos ecosistemas.

Queremos poñer isto en valor e eliximos especies vulnerables en Galicia.

Os rapaces e rapazas elixen unha ou varias especies para investigar, documentándose sobre a súa morfoloxía e hábitat. As actividades inclúen desde a procura e observación da especie no seu medio natural, a busca de información na bibliografía, entrevistas con persoal científico e tamén con xente da contorna. Moitas destas especies teñen unha forte presenza na cultura popular, xa sexa pola súa relevancia económica ou polo seu valor simbólico.

O día 13 de maio os alumnos acompañados dos profes fixemos unha primeira sesión no CIMUS, amplificando, caracterizando e secuenciando o ADN das especies.

Haberá un segundo día de visita ao CIMUS e máis días de actividades do proxecto.

• Máis información

Estancia no CICA, Centro Interdisciplinar de Química e Bioloxía

Seis alumnos e alumnas do IES Plurilingüe Rafael Dieste foron seleccionados para realizar, xunto con dez alumnos doutros centros da provincia, unha estancia de 3 días con investigadores especializados en química e bioloxía no CICA, Centro Interdisciplinar de Química e Bioloxía.

Posteriormente expuxeron os proxectos realizados durante esa estancia e un xurado seleccionou catro deses proxectos como gañadores dunha nova estancia, nesta ocasión de dúas semanas. Sofía Carou, alumna do Dieste, foi unha das gañadoras.

Parabéns a Sofía e a todos os participantes!!

Exposición Menssana na Domus

O alumnado de 1º de Bacharelato de Cultura Científica asistiu o venres 7 de marzo á inauguración na Domus da exposición Menssana.

menteScopia é unha iniciativa multimedia de divulgación e promoción da Saúde Mental. Trátase dunha aposta pola educación, a concienciación e a sensibilización en Saúde Mental dirixida aos mozos e que conciencie a pacientes, familias, profesorado, asociacións e outros sectores sociais. MenteScopia persegue transmitir que normalizar a comunicación sobre problemas de Saúde Mental e coñecer o funcionamento do cerebro mellora a saúde mental da poboación e o benestar social.

Medicións de radon por parte de alumnado de 1º de bacharelato

A semana pasada, alumnado de 1º Bacharelato da materia de Física e Química, estivo realizando medicións de radon polo centro co dispositivo Minipix cedido polo IGFAE (Instituto Galego de Física de Altas Enerxías da Universidade de Santiago de Compostela).

Esta proposta educativa ten como finalidade o acercamento á física de partículas, a súa medición e o tratamento de datos.

XX Olimpíada de Bioloxía

O venres 14 de febreiro unha alumna do noso IES; Candela García Janeiro, participou na fase autonómica da XX Olimpíada de Bioloxía na Facultade de Ciencias da Universidade da Coruña.

Anteriormente a esta houbo unha fase telemática para a participación de alumnado de centros galegos.

A olimpíada, en horario de mañá e tarde, comezou cun exame teórico, para despois ter un práctico, así como charlas de actualización de coñecementos para profesorado.

XVI Olimpíada de Xeoloxía

O mércores 12 de febreiro un grupo de alumnos de 4º de ESO participou na VII Olimpíada de Xeoloxía en San Sadurniño, concello que forma parte do Xeoparque Cabo Ortegal.

Participaron na proba Unai García, Paulo Rodríguez e Antía Uria de 4º ESO A e Rúben Barallobre, Xoán Casas, Balthazar Mariño e Milkias Casas de 4º ESO B.

A experiencia foi moi positiva, o alumnado divertiuse moito e aprendeu moita xeoloxía.

• Máis información

XV edición da Ciencia en Galego. Videoconfenrecia de Begoña Vila

O pasado 19 de novembro tivemos no IES Rafael Dieste, con motivo da celebración de XV edición da Ciencia en Galego, a Begoña Vila en videoconferencia desde o Centro de Voo espacial Goddard, en Estados Unidos.

O alumnado de 4º de ESO de bioloxía e xeoloxía seguiu a conferencia desde o Salón de actos do instituto e fíxolle preguntas a través do chat de YouTube.

Conferencia Mundos inseguros: Hacking

O pasado mércores 14 de novembro o alumnado de 1º de ESO asistiu ao Teatro Colón á conferencia "Mundos inseguros. Hacking", do evento Comunica Ciencia, co experto en ciberseguridade Kike Fontán. A actividade foi organizada polo departamento de Bioloxía e Xeoloxía.

Tal e como comentou Kike durante a sesión, "para hackear non fai falta saber de computadores, soamente aproveitarse da confianza cega das persoas. Ensinareivos como pensan os malos, para que saibades o vulnerables que sodes".

Visita de exalumnos para compartir a súa experiencia no último curso

A semana pasado, os exalumnos de 2º de bacharelato Saúl, Hugo e Alejandro, visitaron o centro para explicar a súa experiencia no último curso, en relación á materia de Física. Foi un pracer recibilos, o alumnado de 1º e de 2º Bacharelato agradeceu moito que pasaran por aquí. Grazas!

Prácticas co detector de partículas MiniPix

No mes de maio de 2024, o alumnado de Física e Química de 1º de bacharelato adicouse a realizar medicións en diferentes estancias do centro educativo. O material empregado foi un detector MiniPix cedido polo IGFAE da Universidade de Santiago de Compostela e deseñado polo CERN. A finalidade da actividade foi unha primeira aproximación á física de partículas e ao coñecemento do impacto da radiación ionizante na nosa contorna.

Proxecto de investigación científica co grupo Biocost do CICA

Durante o mes de marzo e abril, dous dos nosos alumnos de 4º ESO (Diego López e Juan Lorenzo) participaron nun proxecto de investigación científica co grupo Biocost do CICA (Centro Interdisciplinar de Química e Bioloxía da Universidade da Coruña), especializado na biodervisade e no emprego sostible dos recursos. Durante a estancia, puideron coñecer e traballar conxuntamente con este grupo de investigadores. Unha experiencia a recordar!

A xenética no Museo do Prado con Gonzalo Álvarez Jurado

O Xoves 7 de Marzo veu ao instituto Gonzalo Álvarez Jurado a falarnos de xenética. Mediante os cadros do Museo do Prado e outros, onde se representan a dinastía dos Habsburgo (Casa de Austria), falou de consanguinidade, de fenotipo, de xenotipo, etc.

A conferencia foi unha clase maxistral de xenética e de arte.

Máis información

Día da Muller e a Nena na Ciencia no MUNCYT

O venres 9 de febreiro o alumnado de 4º de ESO de Bioloxía do IES Plurilingüe Rafael Dieste estivo con Sara García Alonso, astronauta en reserva da ESA, no MUNCYT da Coruña, para festexar con o Día da Muller e a Nena na Ciencia.

Máis información

XV Olimpíada de Xeoloxía

O mércores 7 de febreiro 9 alumnos e alumnas de 4º de ESO do IES Plurilingüe Rafael Dieste participaron na XV Olimpíada de Xeoloxía, no Xeoparque cabo Ortegal, en Cedeira.

Máis información

Actividade de arte e ciencia no Centro Ágora

 

Alumnado de 1º de Bacharelato participou o 22 de xaneiro nunha actividade de arte e ciencia con Centro Ágora.

CHARLAS DO IGFAE

O venres 15 de decembro tivemos no instituto dúas charlas do programa de  Charlas Divulgativas do IGFAE (Instituto Galego de Física de Altas Enerxías) organizadas desde os departamentos de Física e Química e de Bioloxía.  

A primeira correu a cargo de Pablo Cabanelas Eiras que veunos falar da : Radiación e radioactividade: da enerxía nuclear á imaxe médica. Pablo explicou desde que é a radioactividade ata as aplicacións médicas desta. 

A segunda charla da mañá foi impartida por  Víctor Pérez Pardo do IGFAE que veunos falar da orixe do Universo, o seu desenvolvemento, desde os primeiros e cruzáis segundos ata a formación das galaxias… e a nosa Terra.  Título: Que aconteceu despois do Big Bang.

CHARLA ÓSCAR HUERTAS ROSALES: “CONOCERSE A UNO MISMO ERA ESTO”

O martes 12 de decembro desde o Club de Ciencias xestionouse a charla no instituto para o alumnado de 2º de bacharelato de bioloxía a Óscar Huertas Rosales, para dar unha charla de xenética.

“Conocerse a uno mismo era esto”

A charla versou desde Mendel, Darwin… hasta os útimos avances en secuenciación e caracterizacións e edición xénica. Tamén houbo tempo para dar mensaxes como: a ciencia é unha empresa de todos e todas -é unha disciplina colectiva-, a saúde mental depende da xenética, pero hai que coidala e incluso para repartir algún regaliño.

Óscar é técnico de comunicación e divulgación científica no CICA onde fai unha labor de contar á sociedade no que neste centro traballase e investiga. 

Actualmente atópase a traballar nun proxecto de saúde mental para adolescentes MenteScopia. 

Pero Óscar non só traballa achegando a ciencia do CICA, tamén é un incansable divulgador en todos os momentos e en todas as partes onde se preste a gozar da ciencia con ledicia e non menos rigor. É director executivo de Laniakea (empresa de comunicación e divulgación científica) e presidente de Hablando de Ciencia (proxecto e plataforma de divulgación científica)

O seu labor de divulgación fíxolle colaborar en varios libros e moitos artigos de ciencia en revistas especializadas.