Visita ao Museo de Belas Artes da Coruña con alumnado de 4º ESO

O pasado luns 15 de abril, alumnado de 4º de ESO do IES Plurilingüe Rafael Dieste visitou o Museo de Belas Artes da Coruña.

Aquí Tamén Se Fala convértese en festival!

Presentouse hoxe en rolda de prensa no IES Plurilingüe Rafael Dieste o cartaz do primeiro festival de música en galego “Aquí Tamén Se Fala”, que se celebrará no venres 7 de xuño a partir das 17:00h na praza da Tolerancia, na Coruña.

O cartaz constitúe o colofón a unha iniciativa cultural sen precedentes na historia da dinamización lingüística do país á que se sumaron máis de 200 centros educativos de todos os niveis de ensino, clubes deportivos profesionais de primeiro nivel, referentes do mundo cultural e máis de 25.000 rapaces traballando de forma activa.

Organizado desde o instituto público coruñés supón un fito histórico pois representa a materialización dun festival de música profesional promovido desde un centro de ensino. Programado pola mocidade e para a mocidade baixo coordinación de Arcadio González e Alberto Pombo, promotores da iniciativa cultural “Aquí tamén se fala galego”.

No acto celebrado na mañá do venres 19 de abril, participaron tamén os representantes institucionais da Secretaría Xeral de Política Lingüística da Xunta, da Deputación e máis do Concello da Coruña, da Xefatura Territorial de Educación e do propio centro educativo, a carón dos organizadores e dos músicos Nuno Pico (Grande Amore) e May (Leria).

O festival gratuíto, aberto a toda a mocidade e cidadanía, queda constituído na súa primeira edición por bandas do máis alto nivel da escena galega: Grande Amore, Boyanka Kostova, Lontreira e Leria, e dá continuidade ao traballo desenvolvido por “Aquí tamén se fala” no campo audiovisual que se divulga nas redes sociais de Instagram, Tiktok e Youtube baixo o cancelo #AquíTaménSeFala.

Gratuíto, monolíngüe en galego, aberto á cidadanía, horizontal e organizado desde un instituto público da Coruña rico e diverso.

Talleres de Primeiros Auxilios

Todo o alumnado de 1°, 2°, 3° e 4° de ESO e de 1° de bacharelato participou durante estas dúas semanas nos talleres de Primeiros Auxilios organizados desde o Departamento de Educación Física. Neles aprenderon a actuar ante unha emerxencia seguindo o protocolo PAS (Protexer, avisar e socorrer), ante un atragoamento, a realizar unha reanimación cardiopulmonar (RCP) e a usar un desfibrilador.

Moitas grazas ao persoal sanitario do Centro de Saúde dos Rosales e ao Centro de Formación e Recursos da Coruña.

Proxecto de investigación científica co grupo Biocost do CICA

Durante o mes de marzo e abril, dous dos nosos alumnos de 4º ESO (Diego López e Juan Lorenzo) participaron nun proxecto de investigación científica co grupo Biocost do CICA (Centro Interdisciplinar de Química e Bioloxía da Universidade da Coruña), especializado na biodervisade e no emprego sostible dos recursos. Durante a estancia, puideron coñecer e traballar conxuntamente con este grupo de investigadores. Unha experiencia a recordar!

VII Xornadas de Mediación escolar

Hoxe, mércores 10 de abril, tivo lugar no noso instituto a primeira sesión das VII Xornadas de Mediación escolar.

Vémonos de novo en dúas semanas para completar a formación!

"Aquí tamén se fala" gaña o Premio Mil Primaveras

Aquí tamén se fala é un proxecto nacido en 2023 no IES Plurilingüe Rafael Dieste da Coruña da man do profesor Alberto Pombo en colaboración con Arcadio González, que activa a implicación do alumnado para concienciar o conxunto da sociedade sobre o uso da lingua.

Un proxecto sinxelo, ben planificado e cun excelente uso das redes sociais, que no curso actual xa se espallou por 200 centros por todo o país, demostrando que é un modelo perfectamente replicable.

O xurado salientou a súa planificación, con obxectivos xerais e específicos moi ben definidos e medibles, que presenta a lingua en positivo e converte as persoas destinatarias en axentes implicadas no proceso. Dirixido desde o ámbito escolar a outros sectores da sociedade, intervén nun contexto complexo, con poboación de 25 nacionalidades, e consegue motivar o alumnado e situar o galego como elemento de integración e cohesión social.

O xurado tamén salientou que é unha acción que favorece a reflexión e que comunica con moita efectividade.

Parabéns para todo o alumnado e o profesorado implicado!

Como ensinamos a Xeografía e a Historia

O Departamento de Xeografía e Historia do IES Rafael Dieste presenta o vídeo “Unha viaxe pola historia”.

Este traballo, xa presentado nas xornadas de portas abertas do pasado mes de marzo, recompila algúns dos proxectos levados a cabo nos últimos cursos.

Desde proxectos interdisciplinares a proxectos de aula nos que o alumnado é o protagonista da súa aprendizaxe. Apostamos por unha metodoloxía activa, integradora e inclusiva e por un ambiente de convivencia positiva na aula.

Desfrutade do vídeo, unha viaxe pola historia.

Visita a Santiago. Pórtico da Gloria e cubertas da Catedral

O pasado 19 de marzo, alumnado de Historia da Arte de 2º de bacharelato do IES Plurilingüe Rafael Dieste visitaron o Pórtico da Gloria e as cubertas da Catedral de Santiago de Compostela.

Visita ao Museo de Belas Artes da Coruña

O pasado 12 de marzo, o alumnado de 2º de bacharelato do IES Plurilingüe Rafael Dieste visitou o Museo de Belas Artes da Coruña.

Homecoming 2024

Noraboa a todo o alumnado que participou no Homecoming 2024! Nos próximos días publicaremos máis imaxes, pero deixamos por aquí un pequeno sneak peek de todas as actividades que tiveron lugar o pasado 22 de marzo.

Programa PIALE: experiencia de multiculturalidade en Canadá

Nesta Semana Cultural, sobre “Cultura de Fusión”, as profesoras Dona Leticia Ogando López, de Educación Física, e Dona Isabel Viña Vilas, de inglés, ofreceron sendas charlas sobre a súa experiencia de multiculturalidade en Canadá, como participantes no programa PIALE, para o alumnado de 3º e 4º de ESO e para o profesorado. Tratáronse tamén as diferencias en ambos sistemas educativos e o alumnado amosou grande interese por aqueles aspectos que poderían ser transferibles ao noso centro.

Fin da visita a Francia de alumnado de 3º e 4º de ESO

Finalizou a viaxe a Quimper, primeira parte do intercambio co instituto Brizeux. En maio recibiremos aos/ás correspondentes en Coruña. Aquí podedes ver fotos das actividades dos dous últimos días e da cidade de Quimper.

Información sobre bolsas de estudo MEC 2024/2025

Aberto ata as 15 horas do 10 de maio de 2024 o prazo de presentación de solicitudes para bolsas de estudo MEC 2024/2025.

No seguinte ficheiro pdf pode consultar un resumo con información sobre persoas destinatarias e sobre o procedemento de solicitude.

Para máis información: https://www.becaseducacion.gob.es/

Visita a Francia de alumnado de 3º e 4º de ESO

Continúa a visita a Francia de alumnado de 3º e 4º de ESO. O pasado luns 18 de marzo o alumnado do intercambio visitou o acuario e centro de investigación marítima da preciosa localidade de Concarneau.

Celebración do Día Internacional das Matemáticas

Para celebrar o Día Internacional das Matemáticas, profesorado do IES Plurilingüe Rafael Dieste preparou varios "roscos" de contido matemático. Na actividade, que se desenvolveu entre os días 13 e 15 de marzo, participou alumnado de todos os niveis de educación secundaria e de 1º de bacharelato.

Visita a Francia de alumnado de 3º e 4º de ESO

Hoxe o alumnado realizou actividades no instituto, unha visita guiada pola cidade de Quimper e un xogo de pistas por grupos no centro histórico.

Pasarán a fin de semana coas familias francesas. A pasalo moi ben!!!

Primeiro premio na Olimpíada Filosófica de Galicia

Onte tivo lugar a final galega da Olimpíada Filosófica. Como sempre, foi na Universidade de Filosofía en Santiago de Compostela. A cuestión proposta este curso foi "que é ocio?".

A alumna Marian Artahona, de 4º ESO, defendeu de xeito admirable o seu traballo na modalidade de fotografía filosófica e acadou o Primeiro Premio de Galicia. A final nacional será en abril en Bilbao. Noraboa, Marian!!!

Masterclass de Física de Partículas

O pasado martes 13 de marzo, dous alumnos de Física de 2º de bacharelato, Alejandro Fernández e Roque Torre, asistiron á "Masterclass de Física de Partículas" promovida pola Universidade da Coruña.

Nesta actividade puideron traballar con simuladores reais de choque de protóns (o que se leva a cabo no acelerador de partículas do CERN) e analizar o tipo de partículas emitidas nestes eventos.

Ademais, compartiron os resultados acadados con diferentes institutos de Irán, Alxeria e Grecia, e con dous físicos do propio CERN. Unha experiencia única!

Visita a Francia de alumnado de 3º e 4º de ESO

Esta semana, alumnado de 3º e 4º do IES Plurilingüe Rafael Dieste saíu de viaxe de camiño a Quimper, onde se encontrarán con compañeiros e compañeiras franceses. Boa viaxe a todos e todas!

Actividades do 8-M, Día Internacional da Muller

Con motivo da celebración do Día Internacional da muller, inaugurouse no instituto un Punto Violeta. Trátase dun Punto de seguridade para a prevención da violencia de xénero , información e acompañamento. Un grupo de profesorado e alumnado está a formarnos na materia.

Ademais, realizouse unha exposición de mulleres referentes e un club de encontro de chapas reivindicativas.

Alumnas do IES Plurilingüe Rafael Dieste premiadas no concurso literario "Rita Suárez Amado"

Por cuarto curso consecutivo, alumnas do IES Plurilingüe Rafael Dieste foron premiadas no Concurso Literario "Rita Suárez Amado" que organiza o IES Plurilingüe Eusebio da Guarda, e que leva xa dezanove edicións.

Entre elas, debemos destacar a Valeria Ortiz e Claudia García, que por terceira e por segunda vez, respectivamente, acadan premios neste concurso.

Un agradecemento especial á mestra xubilada Mercedes Garrote, que animou ao alumnado a participar no certame, axudándoos no proceso.

Parabéns!

Prazas vacantes do IES Plurilingüe Rafael Dieste para o curso 2024/2025

 

Na imaxe poden consultarse as prazas vacantes por nivel educativo do noso centro para o curso 2024/2025.

O prazo de presentación de solicitudes de admisión remata o 20 de marzo.

Pode acceder á aplicación web para a presentación de admisión a través da seguinte ligazón: https://www.edu.xunta.gal/admisionalumnado/

A xenética no Museo do Prado con Gonzalo Álvarez Jurado

O Xoves 7 de Marzo veu ao instituto Gonzalo Álvarez Jurado a falarnos de xenética. Mediante os cadros do Museo do Prado e outros, onde se representan a dinastía dos Habsburgo (Casa de Austria), falou de consanguinidade, de fenotipo, de xenotipo, etc.

A conferencia foi unha clase maxistral de xenética e de arte.

Máis información