O NOSO GRUPO 'DIVERXENTES' VISITAN ASOCIACIÓNS EN VIGO

O grupo de diversidade e de apoio afectivo-sexual do noso centro, DiverXentes viaxaron onte á cidade de Vigo para visitar a Asociación Nos Mesmas e tamén a Asociación Pvlse, para coñecer de primeira man a labor realizada por estas asociacións. Nós Mesmas loita polos dereitos das mulleres lebianas, bisexuais e transexuais. Pvlse é unha organización de gays e lesbianas que traballan de xeito transversal os dereitos sociais da cidadanía.

 Agradecemos toda a información e o traballo de ambas asociacións na concienciación e formación nestes ámbitos.

ENTROIDO 2022: VOLVE A FESTA AO "RAFAEL DIESTE"

 

Este ano regresaron os disfraces ao patio central do noso instituto para celebrar o Entroido 2022, aquí deixamos algunhas fotos... desexándovos un bo Entroido a tod@s!

XORNADAS PORTAS ABERTAS 2022: UNHA VISITA VIRTUAL AO IES PLURILINGÜE "RAFAEL DIESTE"

 

Este curso ao non ser posible facer as xornadas de portas abertas presencialmente, propoñémosvos una visita virtual ao noso centro. Neste video podedes ver as nosas instalacións e a todas as actividades que desenvolvemos.

FOTOS DA HOMENAXE A JOAQUÍN VÁZQUEZ

Publicamos as primeira fotos do acto que se celebrou o pasado venres en homenaxe ao noso querido Joaquín Vázquez, quen foi o noso primeiro conserxe dende a inauguración do centro. 

O acto de homenaxe comezou plantando unha arbore no seu recordo nos xardíns diante do centro e posteriormente continuou no Salón de Actos do Conservatorio Superior "Andrés Gaos" donde se interpretou a súa música favorita e se leron poemas e víronse videos coas súas fotos e comentarios do primeiro alumnado do instituto.

Ao final entregáronse agasallos de recordo a súa familia.

Hoxe deixamos algunhas fotos, actualizaremos con algunha máis.

A súa muller e fillos plantan a árbore.

Acto no Conservatorio Superior.

Entrega de agasallos de recordo á familia.

 

HOMENAXE A JOAQUÍN

Cumprido xa un ano do seu falecemento, os traballadores, tanto persoal docente como non docente, do IES "RAFAEL DIESTE" rendiremos homenaxe ao noso compañeiro JOAQUÍN, histórico conserxe do instituto dende a súa inauguración. Este tributo retrasouse no tempo por mor da COVID e será con aforo limitado polo mesmo motivo, pero o resto da comunidade escolar poderá seguir o acto por internet na ligazón inferior.

Ligazón: TWITCH.tv/tela_marinera

 

CAMPAÑA DE RECOLLIDA PARA O BANCO DE ALIMENTOS RÍAS ALTAS 2021

O instituto, como forma de colaborar con aquelas persoas que están en situacións difíciles, organiza outra vez este ano unha campaña solidaria en colaboración co Banco de Alimentos Rías Altas de A Coruña.

Pode participar toda a comunidade educativa e consiste en aportar UN QUILO ou UN LITRO (poden ser máis) de calquera alimento NON PERECEDOIRO como leite, galletas, cacao, latas de conserva, café, sal, aceite, legumes, arroz, fariña…ou similares e material hixiénico coma xel, maquinillas de afeitar, champú…

As vosas aportacións pódense depositar nos contedores que se atopan na entrada da biblioteca do centro antes do día 21 de decembro.

Grazas pola vosa colaboración.

 

CONCURSO 'BIBLIODIESTE': "AS MIÑAS BIBLIOTECAS 2021-22"

 Como todos os anos, o día 24 de outubro é o Día Internacional da Bibliotecas. Para celebralo, a Biblioteca convoca un concurso de Selfies AS MIÑAS BIBLIOTECAS 2021 – 2022. 

O obxectivo do concurso é promover a visita ás bibliotecas da bisbarra e da cidade, ou cando menos, acercarse a elas e situalas. Rexerase polas bases que podedes consultar na seguinte ligazón: CONCURSO "AS MIÑAS BIBLIOTECAS" @ ArquivosDoTrasnoBlog 

Ánimadevos!!

SETEMBRO 2021: ENTREGA BOLETÍNS E 2º PRAZO MATRÍCULA

 

CALENDARIO EXAMES SETEMBRO 2021

Achegamos o calendario dos exames da convocatoria de SETEMBRO 2021.

Podedes acceder ao PDF nesta ligazón AQUÍ.

 

GRADUACIÓN PROMOCIÓN "RAFAEL DIESTE" 2021

ACTUALIZACIÓN: CON VIDEOS E LIGAZÓN ÁS FOTOS

 

Este curso, finalmente, poidemos retomar de novo a ceremonia de graduación da promoción de alumnado de 2ºBAC. Ainda con restriccións, poidéronse reunir alumnado e profesorado para o acto que se celebrou no salón de actos da Escola Oficial de Idiomas de A Coruña, veciños do noso centro. Pódese ver o acto a través da plataforma TWITCH.

Parabéns e os mellores desexos para todo o alumnado da promoción "Rafael Dieste 2021"!

Pódese acceder ás fotos do acto nesta LIGAZÓN: FOTOS.

Videos:

O 'RAFAEL DIESTE' NA PRENSA LOCAL

 Fotos: "La Voz de Galicia"

O instituto Rafael Dieste prepárase para cambiar de fachada e esquecer as filtracións   ["La Voz de Galicia"]

Aparecen referencias do noso instituto na prensa local este días.

A primeira é sobre unhas obras que se acometerán para sustituir a cuberta e renovar fachadas. Ligazón á noticia no xornal debaixo da foto superior.

Tamén apareceu a lista dos centros educativos da provincia de A Coruña clasificados según a nota media acadada nas probas ABAU deste curso. O noso centro aparece no posto 17º de 45, cunha nota media de 6,80. Sendo un dos dous centros da cidade co 100% de aprobados na proba.

GRADUACIÓN PROMOCIÓN 2020-21 POLA PLATAFORMA "TWITCH"

 O acto da Graduación da Promoción 2020-21 do noso instituto celébrase mañá martes 29 de xuño ás 19:00h na Escola de Idiomas de A Coruña. O acto retransmitirase en directo a través da plataforma TWITCH no canal de tela_marinera para que todas as familias poidan seguilo. Nesta ocasión, por mor da restriccións de aforo, so poderán asistir o alumnado e o profesorado. Pódese acceder á páxina da plataforma na ligazón inferior.

Ligazón: TWITCH.tv/tela_marinera

ENTREGA DE PREMIOS DO CONCURSO CLUBES DE LECTURA 1ºESO

 Onte fixemos a entrega dos premios do concurso dos Clubes de Lectura de 1ºESO, última actividade deste curso. Os premios entregáronse na librería do noso barrio "Luar".

CHARLA-TALLER CON DEBORAH GARCÍA BELLO NO 'RAFAEL DIESTE'

 Hoxe regresou ao noso instituto Deborah García Bello, @Deborahciencia. É química e divulgadora científica. Escribe de ciencia no seu blog Dimetilsulfuro e outros medios nacionais, pero ademáis traballa na TV, radio ...

Fixemos unha Charla-taller "O superpoder de saber ciencia",  co grupo de 1º de ESO D arredor do Coronavirus, e da ciencia que hai que coñecer para entendelo ben. O contaxio, a mascarilla, a hixiene, os tests, vacinas... Co taller e a realización dos experimentos continuaremos o luns.

Video de Deborah García sobre os test PCR:

EXPOSICIÓN DOS TRABALLOS PLÁSTICA ALUMNADO 3ºESO (Curso 2020-21)

Temos expostos todos os traballos do alumnado de Educación Plástica e Visual de 3ºESO da profesora Ana Cuíñas feitos durante este curso.

 

AVISTAMENTO DO ECLIPSE SOLAR DENDE O 'RAFAEL DIESTE'

 Alumnado de 1º e 2º da ESO sairon á parte exterior das instalacións do instituto para o avistamento da eclipse solar anular que tivo lugar onte xoves 10 de xuño cerca do mediodía.

Unha eclipse solar ocorre cando a Luna pasa entre a Terra e o Sol, escurecendo así total ou parcialmente a imaxe do Sol para un espectador na Terra. ​Unha eclipse solar anular ocorre cando o diámetro aparente da Lúa é máis pequeno que o Sol, ocultando a maior parte dela e causando que o Sol pareza un anel.

Aquí tedes fotos da actividade organizada polo Departamento de Ciencias.