DE VOLTA DE NÚREMBERG

Hoxe xoves 19 de abril rematou o Intercambio 2018 NÚREMBERG-CORUÑA. As 13 alumnas e 3 alumnos do 'Rafael Dieste' e os profesores chegaron de volta tras a súa estadía de 10 días en Núremberg e arredores. Esta é unha recopilación de fotos do grupo.

As fotos superiores e a inferior mostran o grupo de estudiantes españois no seu primeiro día de xira pola cidade vella de Núremberg. Arriba diante do castelo de Núremberg e abaixo ante o monumento a Albrecht Dürer.

As seguintes fotos mostran o grupo na entrada do instituto Willstätter e na cena de recepción coas familias alemás o mércores 11 de abril.

A seguinte foto é do grupo completo dos estudiantes alemáns e españois durante a primeira excursión de día completo a Bamberg, o xoves 12.

Estas dúas fotos seguintes mostran o grupo español no Dokuzentrum dos Nazis e o Campo de Zeppelin de Núremberg, o venres 13.

E a foto de abaixo é de novo do grupo completo no segundo día de excursión, esta vez a Múnich.

E a derradeira foto de grupo foi tomada o último día diante da Albrecht Dürer Haus (a Casa Museo de Alberto Durero)

Versión en inglés @ ClickOnEnglish e toda a información do intercambio 2018 en inglés AQUÍ.

BENVIDA AO ALUMNADO DO INTERCAMBIO-NÚREMBERG 2018 NO CONCELLO DE A CORUÑA

O alumnado alemán do Willstätter Gymnasium de Núremberg xa está entre nós. Chegaron onte á tarde. Hoxe xa realizaron visitas á Domus e o Museo de Belas Artes. Mañá teñen unha excursión a Santiago.

Hoxe pola tarde tiveron a recepción oficial de benvida no Concello de A Coruña donde todo o alumnado participante, as profesoras alemanas Eva Schübel-Vogel e Mirjam Hübner e, por parte do noso centro, o auxiliar de conversa Ben Davidson e o profesor Ramón Neira, foron recibidos polo alcalde Xulio Ferreiro e a concelleira de Xustiza Social e Coidados Silvia Cameán.

Para máis fotos: enlace ao Facebook do Concello.
Versión en inglés desta entrada @ ClickOnEnglish.

INTERCAMBIO 2018: WILLSTÄTTER GYMNASIUM, NUREMBERG - IES Plurilingue RAFAEL DIESTE, A CORUÑA

Cumprénse este curso once anos da colaboración entre o noso centro educativo e o "Willstätter Gymnasium" de Núremberg, Alemania na realización dun intercambio de estudiantes dos dous centros. Dende entón realizáronse nove edicións do intercambio, e este curso corresponde a décima edición.

Dende o ano 2007 ata o 2014, os intercambios realizáronse anualmente e a partir deste último ano, son bianuais. O intercambio este curso terá lugar durante os meses de marzo e abril. En marzo virá o alumnado alemán e en abril irá a Núremberg o noso alumnado participante.

O alumnado convivirá coas familias correspondentes e aisistirá a algunha actividade escolar en cada un dos institutos e terán preparadas visitas e excursións a lugares de interese da contorna.

Ligazón a fotos de anteriores edicións do intercambio AQUÍ e @ ClickOnEnglish.

Iremos informando.