Esta é a historia dunha camiseta deseñada por 'La Enzima Inquieta' que foi entregada pola nosa profesora de bioloxía Marisa Castiñeira e o seu alumnado a Lluis Montoliu, cando deu unha charla no centro, para que a entregase a Francis Martínez Mojica, o microbiólogo alicantino máis famoso do mundo.
Hoxe alumnado de 1ºBAC participaron nunha visita ao Cemiterio de San Amaro dentro dunha actividade complementaria para o alumnado participante nun dos Clubes de Lectura desenvolvidos durante este curso que xa remata.
Celebrouse o II Encontro MUS-E de Galicia no CEIP Raquel Camacho, ca participación de todos os centros MUS-E de Galicia (o CEIP San Pedro de Visma, o CEIP Raquel Camacho, o CEIP Ría do Burgo, o IES Agra Do Orzán e o noso centro tamén) coa implicación de máis de 300 menores, xunto co seu profesorado e cos artistas MUS-E de Galicia.
Un gran traballo realizado con gran calidade e no que houbo moita implicación de todos, coa idea de ‘Pasar á acción’, que foi o motor forza deste curso no Programa MUS-E.
O II Encontro MUS-E Galicia ‘CreAcción Compartida’ basouse en accións de proceso creativo a través das diferentes disciplinas artísticas que poideron experimentar e compartir todos os rapaces participantes.
+ info na páxina web da Fundación Yehudi Menuhin AQUÍ
O Departamento de Xeografía e Historia este curso tivo que afrontar o reto de impartir a materia de Historia da Arte de 2º BAC a unha alumna cega. Ademais de contar cos libros e láminas da ONCE, ó longo deste meses algúns alumnos e profesores colaboraron na elaboración de materiais diversos para facilitar a integración desta alumna na aprendizaxe de conceptos específicos das artes visuais.
A profesora da universidade de Lodz, en Polonia, Anne Pawtowska visitou a clase da profesora de arte Inma Mato para ver como traballamos historia da arte cunha alumna cega. Está nun proxecto de elaboración de materiais para este tipo de alumnado.
Nas fotos aparecen o alumnado de Arte deste curso xunto coas profesoras Inma Mato, Anne Pawtowska, a alumna cega Marina Blanco e unha das coidadoras do centro Elena Brenlla.
A X Semana Cultural 'O CINE' do 'Rafael Dieste' tivo repercusión na nosa prensa local. O xornal "La Opinión" do pasado venres 3 de maio publicou un artigo sobre o tema como podedes ver nas fotos. Na seguinte ligazón toda a información completa sobre a X Semana Cultural: O CINE.
Hoxe no 'Rafael Dieste' recibimos a visita do narrador, poeta, traductor, blogueiro e columnista hispanoarxentino Andrés Neuman que veu a ofrecer unha charla sobre o seu traballo e a súa obra ao alumnado de 1ºBAC.
O Departamento de Francés do 'Rafael Dieste' dentro da semana da francofonía, invitou a familiares do alumnado que viviran ou fosen dalgún país francófono para que diran unha charla na clase do seu fillo/a ou amigo/a. Comparaban o país francófono con España, contando a súa experiencia e explicando a importancia de estudar idiomas para o seu futuro.
Participaron 3. Dúas nais de 2ºC: Ana, nai de Samuel que falou da súa infancia e xuventude en Suiza. Isabel, nai de Gabriel, que foi cursar estudos de posgrado en Francia. e un amigo da familia de Rocío de 2ºB, Juan, un francés que veu aquí con 14 anos. A experiencia foi moi enriquecedora, superando as expectativas.
Durante esta semana que remata, unha gran parte do alumnado do noso centro participou en distintos días da actividade de surf organizado polo Departamento de Educación Física na praia de Sabón.
Hoxe á tardiña despedimos outra nova promoción de alumnado do IES Plurilingüe 'Rafael Dieste', a promoción 2012-2018. O acto tivo lugar no Auditorio 'Andrés Gaos' do veciño Conservatorio Superior de Música. E como cada ano, discursos, videos, actuacións e lembranzas repasaron o paso deste grupo de alumnado polo noso instituto. Tedes fotos dos momentos máis salientables e ao final podedes ver videos con fragmentos dos discursos do director (Fernando Gómez Sal), os titores dos dous grupos de 2ºBac (Inma Mato e Eloi Rodríguez), o profesor de Lingua Castelá (Carlos Blanco), e os dos alumnos (Paula Conde, Andrea Núñez e Iago Mora) e as dúas actuacións (Miguel Alcaide, María Alcaide e Luisana Álvarez).
Estes días alumnado de Francés de 1ºBAC disfrutan duns días de visita por París. Aquí a colección de fotos da súa visita en lugares emblemáticos da capital francesa.
Onte mércores 15 de maio un grupo de alumnado de varios grupos do noso centro visitou a Escola Ecolóxica do Centro de Reinserción Social "A Raíña", nunha viaxe organizada por Vicedirección e o Departamento de Relixión Católica.
Informamos hoxe de dúas actividades recientes organizadas polo Departamento de Educación Física. A primeira, unha actividade de escalada, realizada no Pavillón polideportivo de Riazor, ao que asistiu o alumnado de 3ºESO.
A segunda, unha actividade de primeiros auxilios e defensa persoal que realizarán todos os niveis, nas fotos inferiores con alumnado de 1ºBAC.
Unha das actividades mais gratificantes das organizadas pola nosa Biblioteca é o programa de "Apadriñar Lectores". Consiste en fomentar a lectura a través de varias actividades multidisciplinares interrelacionadas.
Este é o segundo curso consecutivo que recibimos ao alumnado de 6º de Educación Infantil dos nosos centros de primaria adscritos ("Prácticas" e "San Pedro de Visma") para compartir a aventura de experimentos, contacontos e lectura. Pero xa tivemos experiencias en cursos anteriores, tamén.
Podedes seguir todas as aventuras vividas ata o momento nesta ligazón:
