Hoxe tivo lugar o acto de entrega dos premios da X Olimpíada Galega de Tradución de Textos Clásicos, na Facultade de Filoloxía de Santiago de Compostela.
Alí estivo Jusvely Godoy González, alumna de 2º de bacharelato, que acadou o segundo premio na categoría de Lingua Grega.
Parabéns!!!👏👏👏
No seguinte ficheiro pdf recóllense as datas dos exames da convocatoria extraordinaria de 1º de bacharelato para o curso 2024/25.
Educación secundaria obrigatoria
O vindeiro 11 de xuño terá lugar a publicación no DOG da Orde do 3 de xuño de 2025 pola que se establecen as bases reguladoras e se convocan os premios extraordinarios de educación secundaria obrigatoria ao rendemento académico correspondentes ao curso 2024-2025.
O procedemento de solicitude para optar aos premios extraordinarios de ESO ao rendemento académico terá dúas fases diferenciadas:
A proba PEE terá lugar o 26 de xuño de 2025. Os lugares de realización da proba publicaranse no portal educativo e na páxina de PremiosEdu.
O prazo de matrícula para realizar a proba PEE será de 5 días hábiles, do 12 ao 18 de xuño e 2025, ambos inclusive.
A matrícula realizarase nos centros educativos empregando o Anexo I.
Bacharelato
Publicada no DOG a Orde de 27 de maio de 2025 pola que se establecen as bases reguladoras e se convocan os premios extraordinarios de bacharelato correspondentes ao curso 2024-2025.
O procedemento de solicitude para optar aos premios extraordinarios de bacharelato terá dúas fases diferenciadas:
A proba PEB terá lugar o 18 de xuño de 2025. Os lugares de realización da proba publicaranse no portal educativo e na páxina de PremiosEdu.
O prazo de matrícula para realizar a proba PEB será de 5 días hábiles, do 4 ao 10 de xuño de 2025, ambos inclusive.
A matrícula realizarase nos centros educativos empregando o Anexo I.
O Consello da Cultura Galega, en colaboración co CIMUS, está a desenvolver unha iniciativa destinada a que o alumnado de educación secundaria comprenda e valore a importancia da biodiversidade na conservación dos nosos ecosistemas.
Queremos poñer isto en valor e eliximos especies vulnerables en Galicia.
Os rapaces e rapazas elixen unha ou varias especies para investigar, documentándose sobre a súa morfoloxía e hábitat. As actividades inclúen desde a procura e observación da especie no seu medio natural, a busca de información na bibliografía, entrevistas con persoal científico e tamén con xente da contorna. Moitas destas especies teñen unha forte presenza na cultura popular, xa sexa pola súa relevancia económica ou polo seu valor simbólico.
O día 13 de maio os alumnos acompañados dos profes fixemos unha primeira sesión no CIMUS, amplificando, caracterizando e secuenciando o ADN das especies.
Haberá un segundo día de visita ao CIMUS e máis días de actividades do proxecto.
Aberto ata o 20 de xuño o prazo de presentación de solicitudes para a participación no fondo solidario de libros de texto e convocatoria de axudas para adquirir libros de texto e material escolar para o curso escolar 2025/26.
.JPG)
O alumnado de 1° de bacharelato asistiu a unha charla/obradoiro no noso centro sobre a importancia da pisada na práctica deportiva.
O profesor da UDC, Francisco Alonso Tajes, explicounos as actualizacións sobre o programa de prevención de lesións e o protocolo de actuación ante as mesmas.
A través da práctica entendemos como funciona a plataforma de presións e a información que nos achega sobre a funcionalidade dos nosos pés.
.JPG)
.JPG)
.JPG)
.JPG)
A Consellería de Educación, Ciencia, Universidades e Formación Profesional pon en marcha este curso académico a V macroenquisa de diagnose da convivencia escolar, dirixida ao conxunto da comunidade educativa galega (alumnado a partir de 5º de educación primaria, profesorado, persoal non docente e familias).
Esta iniciativa enmárcase dentro da actual Estratexia Galega de Convivencia Escolar 2025 e o prazo de participación estará aberto desde o 5 ata o 26 de maio, ambos os dous incluídos. É moi importante a participación de todos os membros da comunidade educativa, incluídas as familias.
Esta recollida de datos faise mediante unha ferramenta informática en liña, de xeito automatizado e totalmente anónimo, a través da aplicación convivenciaxestion (https://www.edu.xunta.gal/convivenciaxestion/).
Para calquera outra dúbida ou consulta, poden contactar co Servizo de Inclusión, Orientación e Convivencia a través dos teléfonos 881996571 e 981546512, ou dos enderezos electrónicos edutic@edu.xunta.gal e convivencia@edu.xunta.gal.
Na seguinte imaxe poden consultarse as datas dos exames da convocatoria extraordinaria de 2º de bacharelato para o curso 2024/25.
.jpg)
Despois de conseguir dúas das sete prazas da área da Coruña na Fase Zonal do pasado 24 de abril, Martina Pernas Fernández e Franco Gabriel Franco Pérez participaron hoxe, xunto con outros 38 alumnos de toda Galicia, na Fase Final da Olimpíada Matemática Galega de 2º ESO.
Parabéns!!
.jpg)
.jpg)
.jpg)
.jpg)
Seguindo a Instrución 2/2025, da Dirección Xeral de Ordenación e Innovación Educativa, na que se concretan as datas e o procedemento de reclamacións, achéganse no seguinte ficheiro pdf as datas máis relevantes para 2º Bacharelato durante a segunda quincena de maio.
.JPG)
Hoxe, martes 13 de maio, alumnado de 4º de ESO do IES Plurilingüe Rafael Dieste visitou o Museo de Belas Artes da Coruña.
.JPG)
.JPG)
.JPG)
.JPG)
.JPG)
.JPG)
.JPG)
Moitos parabéns un ano máis ao noso alumnado polos excelentes resultados acadados no Torneo Intercentros de Xadrez.
O IES Rafael Dieste, como cada ano, participou xunto ao IES Salvador de Madariaga, IES Breamo, IES Fernando Wirtz e o IES Urbano Lugrís no Torneo Intercentros organizado polo Colexio Obradoiro.
Participaron 2 equipos de cada centro nun torneo formato liga, con 70 participantes en total. Ademais celebráronse as tradicionais partidas simultáneas (un contra todos) neste tipo de eventos a cargo do Maestro Internacional Jacobo Caselas. Este ano, como novidade, foi incluída unha exhibición de Robótica.
No torneo por equipos destacaron do noso instituto os alumnos Daniel Romero con 6 victorias de 6 e Daniel Rey con 5 victorias de 6 así como Bruno Picos que accedeu a apoiarnos a última hora en ausencia doutro xogador, obtendo 3 victorias de 3. Parabéns tamén a Fabián Córdova que gañou 2 partidas de 6 sendo un xogador novel neste tipo de eventos.
Moitas grazas a todos os xogadores e en xeral ao Club de Xadrez do Dieste coordinado polo profesor Jesús Escariz. Parabéns!
Moitas grazas tamén ao Colexio Obradoiro por organizar este fabuloso e ilusionante evento do que desfrutamos todos.
Como todos os anos, desde o departamento de Educación Física, levamos a cabo as xornadas de Primeiros Auxilios no centro. Nelas participa todo o alumnado desde 1° de ESO ata 1° de bacharelato. Agradecemos moito a colaboración do Centro de Saúde Os Rosales e do CFR da Coruña.
Tres alumnas do IES Plurilingüe Rafael Dieste foron galardoadas na IV edición dos Premios Escola en Camiño, organizados por @laopinioncoruna @farodevigo e @elcorreogallegoweb
As alumnas premiadas foron Shannon González Fernández, na categoría de debuxo, e Verónica Castillo Aguilar e Valeria Ortiz Arias, na categoría de literatura.
Parabéns!!
Seis alumnos e alumnas do IES Plurilingüe Rafael Dieste foron seleccionados para realizar, xunto con dez alumnos doutros centros da provincia, unha estancia de 3 días con investigadores especializados en química e bioloxía no CICA, Centro Interdisciplinar de Química e Bioloxía.
Posteriormente expuxeron os proxectos realizados durante esa estancia e un xurado seleccionou catro deses proxectos como gañadores dunha nova estancia, nesta ocasión de dúas semanas. Sofía Carou, alumna do Dieste, foi unha das gañadoras.
Parabéns a Sofía e a todos os participantes!!
A Consellería de Educación, Ciencia, Universidades e Formación Profesional cancelou a actividade docente e o transporte escolar o martes 29 de abril como consecuencia do apagamento xeral.
“Amor de auga lixeira” gaña o Premio Imaxina 2024-25 do Concello da Coruña, na categoría de Compromiso social, polo traballo de reivindicación e recuperación do patrimonio que supoñen as fontes.
Neste proxecto colaboraron sete departamentos do centro: Bioloxía e Xeoloxía, Xeografía e Historia, Lingua Galega, Filosofía, Tecnoloxía, EDLG e Física e Química.
Parabéns a todas as persoas que participaron, e en especial ao alumnado que defendeu o proxecto: Mencía López, Evelyn Miranda, Martín Calviño e Natalia Hurtado.
Para celebrar o Día do Libro tivemos un evento especial: Feira do libro no patio interior do instituto.
Desde Bibloteca e coa colaboración da profesora Begoña de Lingua Galega, organizamos diferentes postos por temáticas: ciencia ficción, novela policíaca, de misterio, de terror, novela ilustrada, banda deseñada, manga e temática LGTBI.
En cada posto estiveron alumnas dos clubs de lectura do centro así como voluntariado de biblioteca de 1º ESO. En cada posto puidemos atopar explicacións por parte destas expertas, tanto das características dos diferentes xéneros como de recomendacións.
Tamén houbo sorpresas... acompañounos Soraya, a estatua vivinte que dinamizou o evento causando gran curiosidade entre o público.
Tamén houbo obradoiros para a realización de marcapáxinas.
Grazas a todas as participantes! Grazas a todo o público asistente á feira! Repetiremos a experiencia!
.jpg)
.jpg)
.jpg)
.jpg)
.jpg)
.jpg)